Науырзым аудандық орталық кітапханасында «Сыбайлас жемқорлық және қоғам» атты ақпараттық сағат өтті. Шараның негізгі мақсаты – Мемлекет басшысы Қасым-Жомарт Кемелұлы Тоқаевтың Жолдауында айтылған «Заң және тәртіп» қағидатын жастар арасында берік орнықтыру, заңсыздық пен жемқорлыққа қарсы мүлдем төзбеушілік сананы қалыптастыру және өскелең ұрпақтың құқықтық сауаттылығын арттыру болып табылады. Кітапхана қабырғасында ұйымдастырылған бұл ашық диалог алаңы жастардың болашаққа дұрыс бағдар алуына жол ашты. Кездесу барысында  – Науырзым аудандық полиция бөлімі аға анықтаушысы, полиция капитаны –  Аслан Әмірханұлы сөз сөйлеп, жемқорлықпен ұсталған жандардың заң алдында бәрібір жауап бер ... Читать дальше »

Аудандық балалар кітапханасына балалар шығармашылығы үйінің жазғы сауықтыру кешеніне қатысушы оқушылар қонаққа келіп, «Кітапхана әлеміне саяхат» атты танымдық іс-шараға белсене қатысты. Іс-шара барысында балалар кітапхана жүйесімен танысып, кітапты ұқыпты ұстаудың маңызын түсінді. Жыртылған кітаптарды жамап, түрлі мақал-мәтелдердің жалғасын тауып, жұмбақтарды шешіп, адасқан әріптерден дұрыс сөз құрастырып, білімдерін шыңдады. Сонымен қатар қызықты ойындар ойнап, шығармашылық қабілеттерін де көрсетті: пластилинмен жұмыс жасап, бояулармен сурет салып, тұз бен гуашь көмегімен ерекше жұмыстар орындады. Балалар үшін бұл күн әсерлі де пайдалы өтті. Кітапханаға деген қызығушылықтары артып, көтеріңкі көңіл-күймен тарқасты.