17:59 «Теңге мемлекет келбеті» | |
Аудандық орталық кітапханасында 15 қараша Ұлттық валюта теңге күніне арналған «Теңге мемлекет келбеті» атты тарихи-танымдылық сағаты өтті. Тәуелсіздік – біздің ұрпаққа берген үлкен бақыт, халқымыздың мәңгілік құндылығы. Біз бүгінге дейінгі барлық жетістіктерімізге Тәуелсіздіктің арқасында қол жеткіздік. Қазақстан Республикасы – егеменді, тәуелсіз демократиялық мемлекет. Оның өз Ата Заңы, мемлекеттік рәміздері, ұлттық валютасы бар. Тәуелсіздік алған елдің ең бірінші айрықша белгісі – ұлттық валюта. Ол – Қазақстан Республикасы көлемінде пайдаланылатын заңды төлем құралы. Ақша – асыл қазына, халық байлығы.15 қараша Ұлттық валюта – теңгенің айналымға енген күні және ҚР қаржы саласы қызметкерлерінің кәсіби мерекесі болып табылады. Бүгінгі іс-шараға аудан әкімінің орынбасарлары Мирас Жәкіжан және Нұрлан Әміров, сонымен қатар, ауданымыздың экономикалық дамуына өзіңдік үлесін қосып жүрген қаржы саласының мамандары шақырылды. Теңгенің шығу тарихы мен қазіргі ақшаның маңыздылығы жөнінде ақпарат берілді. Сондай-ақ, келген қонақтар алғаш теңге шыққан күніне саяхат жасап, естеліктерімен бөлісті. Сұрақтар қойылып, ұтымды жауаптар алынды. Іс-шараға арнайы көрнекілік жасалып, кітап көрмесі ұйымдастырылды.
| |
|
Всего комментариев: 0 | |