Науырзым  аудандық кітапханасы Жамбыл  жалпы білім беретін мектебінің 10 сынып оқушыларымен "Дарындылар арасындағы дара талант иесі" тақырыбында әдеби танымдық кешін өткізді. Шара мақсаты заманымыздың заңғар қаламгерлерінің бірі де бірегейі, драматург, жерлесіміз Төлен Әбдіктің шығармаларын таныстыру, оқу, насихаттау. Кеш барысында Бейсен Әнуар жазушының "Оң қол" шығармасынан үзінді оқыды. Сонымен қатар "Бір ел - бір кітап" республикалық акциясына ұйымдастырылған кітап көрмесіне шолу жасалып, таныстырылды.